انا وملكة الهند في الرياض

اشتريت علبة شوكلاطه بخمسين ريال ولعبة لطفلته بخمسة وعشرين .. و ذهبت لزيارة المهندس الهندي في بيته تحقيقا

لمقولة " اذا كان لك عند .. " اخينا يسكن حي .. " هارا " .. او ما يمكن ان يسمى مملكة الهنود في الرياض .. متاكد لو صورت مشاهد وعرضت بتقول هذه في بومبي او دلهي .. ابي اشوف مواطن واحد .. مافيه .. مصري .. يمني .. سوري .. ما فيه الا هنود .. بنغاله باكستان ..ازدحام خيالي ..مشاة وقرمبعات .. قضيت نصف ساعة ابحث عن موقف .. وفي الاخير خرجت من الحي واوقفت السيارة وركبت ليموزين .. الارض كلها بصاق .. ولا ادري ما هي قصة البصاق والهنود ..واسيا عموما .. اتذكر قرات في مذكرات مارغريت تاتشر انها عند زيارتها للصين .. كان بينها وبين الرئيس الصيني فازه خزفيه جميله ..اعجبتها .. وقد " ارتاعت " عندما علمت انها موضوعة للبصق فيها .. وتقول الحمدلله ان لا هي ولا الرئيس الصيني استعملوها ..!
المهم .. بعد قليل من اللفلفه والاتصالات للوصف .. وجدته واقف وقد فتح صدره وبانت الشعرتين اللي فيه والسلسله الذهبيه تلمع ..دخلت باسم الله .. ناولت بنته الصغيرة اللعبة اخذتها بحياء .. شوي الا ذيك المزيونه جايه تسلم .. لا اله الا الله .. سمحين .. المدام .. اونعم .. كانت ذراعيها عاريتين .. جميله في بداية الثلاثينات ..شعرها خشن .. لكن الوجه يذبح .. لم تجلس .. سلمت وذهبت ولحقتها الطفلة .. الشقه لاباس بها والاثاث شكله جيد ولكن ابصم انه من محلات الاثاث المستعمل .. اين يذهب براتبه الضخم ..؟ بعد فترة جاء رجل شايب يحمل صينية شاهي بالحليب وقطعتي كيك ريحتها طيب .. توقعته ابوه .. سالته .. وفهمت انه " الشغاله " !!.. الم اقل لكم انهم ناس بلا عقد .. الله يذكر شغالة اختي بالخير اللي تشتغل وهي مغطيه وجهها في البيت .. حتى لا يطمع فيها السبع ..
طلعت الورق وتكلمنا .. وشرحت ما اريد .. وهز راسه كم هزه .. وفجأة دخلت الغندورة تحمل صينيه عليها صحينين معدنيين فيها ايسكريم .. ليه الكلافه ..؟! ومثل المرة السابقة .. ذهبت .. مشكله .. ليه حنا كذا يالسعوديين .. لماذا هذا الاحساس والولع بكل شيء انثوي ..؟ لاشك ان التربية والفصل بين الجنسين هو السبب .. عدنا نتحدث في موضوع الزيارة .. وانا اترقب عودة المزيونه جاء الشايب وهو يحمل طفل رضيع وحمل صينية الشاهي .. دردشنا عن الشغل .. و " هاره " .. سكتنا .. تكلمنا عن اللاب توب الجديد اللي اشتراه .. ثم عدنا للسكوت .. شكلها انتهت الحفله .. وما فيه امل .. وبعد شوي بيروح هو وسلسلته الذهبيه يلملم ويخمخم .. من حقه .. حلاله ..
المهم .. غادرت .. ولم تاتي لتودعني ..!!! .. صورة زنودها ..وابطيها .. و وجهها الحلو .. عجزت اشيلهم من راسي .. مرة ثانيه .. ليه احنا كذا ..؟ البلاء ليس شخصي .. متاكد لو اي سعودي وضعته مكاني لخرج بنفس الافكار والمشاعر ..! بعد يومين .. اقترحت على صاحبي ../ ليه ما نروح سياحه للهند .. الهند بلد عظيم .. يستحق الزيارة والتعلم والتثقف .. لم يقتنع .. قلت في نفسي .. ما شاف ..!